Brak sem talið er að geti verið úr flugvél Malaysia Airlines, sem hvarf sportlaust fyrir tveimur árum, fannst á strönd í Suður-Afríku. Meðal annars er um að ræða hreyfilhlíf af Rolls Royce-hreyfli. 

Yfirvöld í Malasíu segja að teymi sérfræðinga verði sent til Suður-Afríku til að rannsaka brakið og kanna hvort það sé úr vélinni. Leitin að þotunni, sem bar flugnúmerið MH370 og er kennd við það, er sú umfangsmesta sem nokkru sinni hefur verið gerð. Engar staðfestar skýringar hafa enn fundist á hvarfi vélarinnar.