Skoskir sjálfsstæðissinnar ætla að beita sér fyrri nýrri þjóðaratkvæðagreiðslu um sjálfstæði Skotlands ef svo fer að Bretar samþykki að ganga úr Evrópusambandinu í þjóðaratkvæðagreiðslu í næsta mánuði. Þeir ætla sér þá að sækja um aðild sem sjálfstætt ríki.
Alex Salmond, fyrrverandi forseti skosku heimastjórnarinnar, telur að ef löndum sínum verður boðið val á milli sjálfstæðis og þess að hverfa á Norður-Atlantshafið undir ríkisstjórn Íhaldsflokksins muni þeir kjósa sjálfstæði.
Tæp tvö ár eru síðan Skotar höfnuðu því að lýsa yfir sjálfstæði í þjóðaratkvæðagreiðslu. Skoski þjóðarflokkurinn vonar nú að andúð á ríkisstjórninni í London og stuðningur við aðildina að Evrópusambandinu leggist á eitt og geri þeim kleift að ná sjálfstæði.