Nýr forsætisráðherra Bretlands úr röðum Íhaldsflokksins ætti að taka við fyrir 2. september næstkomandi. Þetta segir Graham Brady, formaður nefndar flokksins um val á nýjum leiðtoga flokksins.

Eftir að úrslit í kosningu um hvort Bretland ætti áfram að vera í Evrópusambandinu eða fara úr því urðu ljós sagðist David Cameron forsætisráðherra ætla að láta af embætti. Íhaldsmenn leita nú arftaka hans, en Cameron hefur sagt að sá sem taki við muni þurfa að senda Evrópusambandinu bréf með formlegri uppsögn.

„Við teljum að ferlið við að kjósa nýjan leiðtoga Íhaldsflokksins ætti að hefjast í næstu viku og enda ekki seinna en föstudaginn 2. september, jafnvel þótt slíkt gæti gerst fyrr,“ sagði Brady.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt