Hvaða ráðherrar eru komnir um borð?
Setja bókamerki
Theresea May, forsætisráðherra Bretlands, er að móta nýja ríkisstjórn landsins og ljóst að mikil umskipti eru að verða í breskum stjórnmálum. Nokkrir ráðherrar hafa verið tilkynnir í dag og fleiri munu fylgja í kjölfarið.
Hér má sjá lista yfir þá ráðherra sem hafa verið kynntir til leiks:
Fjármálaráðherra: Philip Hammond
Hammond var utanríkisráðherra í ríkisstjórn Davids Camerons frá 2014 til 2016. Hann var áður varnar- og samgöngumálaráðherra landsins. Hann kemur í stað George Osborne.
Utanríkisráðherra: Boris Johnson
Boris Johnson verður utanríkisráðherra í stað Philips Hammonds. Johnson er fyrrverandi borgarstjóri Lundúna sem barðist fyrir brotthvarfi Breta úr ESB.
Innanríkisráðherra: Amber Rudd
Amber Rudd verður innanríkisráðherra í stað Theresu May. Rudd starfaði áður sem orku- og umhverfisráðherra í eitt ár.
Ráðherra sem annast brotthvarf Breta úr ESB: David Davis
David Davis hefur lengi haft efasemdir um þátttöku Breta í Evrópusambandinu. David tapaði árið 2005 fyrir David Cameron í kosningu um formann Íhaldsflokksins.
Varnarmálaráðherra: Michael Fallon
Hinn 64 ára Michael Fallon verður áfram varnarmálaráðherra Bretlands en hann hefur sinnt starfinu frá árinu 2014.
Ráðherra alþjóðlegra viðskipta: Liam Fox
Liam Fox var varnarmálaráðherra árið 2010 en sagði af sér embætti ári síðar. Hann barðist fyrir brotthvarfi Breta úr ESB.
Vaxtahækkanir flýti fyrir því að þenslan minnki
Velferð ekki gefin
Saka Ísraela um fjöldamorð
Er 83% skattur á hagnað hæfilegur?
Enn langt í að rannsókn málsins ljúki
„Hann skók húsið aðeins“
Konur álitnar annars flokks borgarar
Fjármögnun alríkisins enn í óvissu