Boris Johnson, nýr utanríkisráðherra Bretlands og einn af helstu stuðningsmönnum þess að Bretar segi skilið við Evrópusambandið, hét því í dag að Bretland verði áfram leiðandi í Evrópu. Johnson fundar í dag með utanríkisráðherrum ríkja ESB.

„Við verðum að virða vilja fólksins og yfirgefa Evrópusambandið […] en við ætlum ekki að láta af leiðtogahlutverki okkar í evrópsku samstarfi,“ sagði Johnson.

Hann hefði átt „mjög góðar samræður“ um utanríkismál ESB við Federicu Mogherini, yfirmann utanríkismála ESB, í gær.  „Ég hlakka virkilega til að hitta kollega mína,“ hefur AFP-fréttastofan eftir Johnson.

Það kom mörgum í opna skjöldu er Johnson, sem var einn helsti stuðningsmaður þess að Bretar segi skilið við ESB, var valinn utanríkisráðherra í stjórn nýja forsætisráðherrans, Theresu May. Jean-Marc Ayrault, utanríkisráðherra Frakka, sagði Johnson hafa logið að kjósendum í kosningabaráttunni.

Johnson vakti einnig reiði margra með því að líkja hugmyndum ESB um aukna sameiningu við áform Adolfs Hitlers.

Boris Johnson, utanríkisráðherra Bretlands, segist hlakka til að hitta kollega sína. AFP

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt