Brock Turner, sem dæmdur var í sex mánaða fangelsi fyrir kynferðisbrot gegn meðvitundarlausri konu árið 2015, er laus úr fangelsi. Atvikið átti sér stað við Stanford-háskóla, þar sem Turner stundaði nám, en refsingin þótti alltof mild og vakti málið athygli víða um heim.

Turner afplánaði dóminn í fangelsi Santa Clara-sýslu í Kaliforníu. Í Kaliforníu afplána fangar venjulega helming refsingar sinnar áður en þeim er sleppt.

Frétt mbl.is: Brosti þegar að honum var komið

Ákæruvaldið hafði farið fram á sex ára fangelsi en dómarinn í málinu, Aron Persky, sagðist við dómsuppkvaðningu hafa áhyggjur af því hvaða áhrif fangelsisdvölin hefði á Turner. Niðurstaða dómarans vakti mikla reiði og hann hefur síðan beðist undan því að dæma í sakamálum.

Dan, faðir Turner, vakti einnig mikla hneykslan þegar hann sagði að sonur sinn ætti ekki að þurfa að sæta fangelsisvist vegna „20 mínútna gjörnings“.

Turner verður skráður kynferðisbrotamaður fyrir lífstíð.

Tengdar fréttir

Kynferðisbrot

Nauðgaði kærustu sinni og tók það upp

• Landsréttur mildar þriggja ára nauðgunardóm
• Þriggja ára nauðgunardómur staðfestur
• Sýknuð af ákæru um að ljúga til um nauðgun
• Dómur vegna kynferðisbrota árið 2017 óraskaður

» Fleiri tengdar fréttir

• Blogga um frétt