Saksóknarar í Parísarborg hafa hafið rannsókn á tölvuinnbroti og leka á gögnum í eigu franska forsetaframbjóðandans Emmanuel Macron. Um 9 gígabætum af gögnum var stolið, m.a. tölvupóstum.

Þetta staðfesta heimildarmenn AFP-fréttastofunnar.

Gögnin voru birt á netinu á föstudag í bland við fölsuð skjöl. 

Heimildarmaður AFP segir að rannsóknin hafi hafist um leið og kunnugt varð um gagnalekann.

Forsetakosningar fara fram í Frakklandi í dag. Samkvæmt lögum mega frambjóðendur ekki tjá sig svo skömmu fyrir kosningar og hefur Macron því ekki getað svarað fyrir sig í fjölmiðlum. Það hafa hins vegar talsmenn hans gert. Þeir segja að gögnin innihaldi engar upplýsingar um ólöglegt athæfi. Innbrotið hafi verið gert til að koma höggi á hann rétt fyrir kosningarnar.

Tengdar fréttir

Forsetakosningar í Frakklandi 2017

Grunaður um að reyna að múta dómara

• Háar fjárhæðir í förðun forsetans
• Hamon segir sig úr Sósíalistaflokknum
• Macron og Pútín skiptust á skoðunum
• Voru með leynilega áætlun gegn Le Pen

» Fleiri tengdar fréttir

• Blogga um frétt