Engar upptökur hjá CIA í Hvíta húsinu
Setja bókamerki
Bandaríska leyniþjónustan, CIA, segist ekki eiga neinar upptökur af samtölum Donalds Trumps Bandaríkjaforseta í Hvíta húsinu eða skjöl þess efnis.
Trump gaf til kynna í síðustu viku að samtal hans við James Comey, forstjóra bandarísku alríkislögreglunnar, FBI, hafi hugsanlega verið tekið upp. Óvíst er hvort ummæli hans eigi við rök að styðjast.
Leyniþjónustan, sem veitir forsetanum og fjölskyldu hans vernd, bauð upp á leynilegt upptökukerfi í Hvíta húsinu þegar John F. Kennedy og Richard Nixon voru forsetar.
Í svari við fyrirspurn The Wall Street Journals sagði leyniþjónustan að slíkt hafi ekki verið í boði fyrir ríkisstjórn Trumps.
„Það er eins gott fyrir James Comey að það séu ekki til neinar upptökur til af samtölum okkar áður en hann byrjar að leka gögnum til fjölmiðla,“ skrifaði Trump á Twitter.
Comey sagði þegar hann kom fyrir rannsóknarnefnd öldungadeildar Bandaríkjaþings að hann vonaðist til að það væru til upptökur af samtölunum og að þær yrðu gerðar opinberar.
Búið að fella björninn
740 milljón króna sígarettusmygl
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Vangaveltur gengu lengra en innistæða var fyrir
Eina leiðin var að fella björninn