Að minnsta kosti 20 látnir í Texas
Setja bókamerki
Að minnsta kosti tuttugu manns eru látnir eftir skotárás í kirkju í Texas. Fréttastofa ABC hefur eftir lögreglunni að tuttugu hafi látist og þrjátíu særst í árásinni. Aðrir fréttamiðlar hafa það eftir sínum heimildum að 27 hafi látist.
Skotárásin var gerð í kirkju baptista í Sutherland Springs, litlu samfélagi um 50 kílómetrum suðaustur af borginni San Antonio í Texas.
/frimg/9/32/932375.jpg)
Byssumaðurinn lést eftir að hafa verið eltur af lögreglu í stutta stund. Ekki er ljóst hvort lögreglan hafi skotið hann eða hvort hann hafi framið sjálfsvíg.
Árásarmaðurinn er sagður hafa gengið inn í kirkjuna á meðan á morgunmessu stóð klukkan 11.30 að staðartíma og hafið skothríðina en um fimmtíu manns sækja messuna að jafnaði.
Tveggja ára barn er á meðal þeirra sem særðust.
Rétt rúmur mánuður er liðinn síðan 58 manns voru skotin til bana í Las Vegas. Rúm tvö ár eru liðin síðan hvítur þjóðernissinni, Dylann Roof, gekk inn í kirkju sem nánast eingöngu svartir sækja í Charleston í Suður-Karólínu og skaut níu manns til bana.
Breytingar á skipulagi fréttadeildar RÚV
/frimg/1/48/74/1487454.jpg)
Heldur inn í nóttina tuttugu kílóum léttari
Mál hjúkrunarfræðingsins fer aftur fyrir héraðsdóm
Væri að ljúga ef ég segðist ekki stressaður
Þyngri refsing fyrir að nauðga stjúpdóttur æskuvinar
Telur forsendur fyrir vaxtalækkun
Banna mengandi búnað sem leyfður er á Íslandi
Strand skemmtiferðaskips kallar á erlenda aðstoð