Filippus prins skilar inn ökuskírteininu
Setja bókamerki
Filippus prins, hertoginn af Edinborg og eiginmaður Elísabetar Bretlandsdrottningar, hefur sjálfviljugur skilað inn ökuskírteini sínu. Þetta kemur fram í tilkynningu frá Buckingham-höll.
Filippus, sem er 97 ára, komst í fréttirnar á dögunum er hann olli árekstri skammt frá Sandringham-landareigninni þar sem hann dvaldi ásamt Elísabetu. Tveimur dögum eftir áreksturinn veitti lögreglan í Norfolk Filippusi tiltal fyrir að keyra án bílbeltis og valda umferðaróhappinu. Tvær konur voru í bílnum sem Filippus keyrði á og úlnliðsbrotnaði önnur þeirra.
Í yfirlýsingunni segir að Filippus hafi íhugað málið vandlega og ákveðið að skila inn ökuskírteininu sjálfviljugur. Lögreglan í Norfolk staðfestir að prinsinn sé búinn að afhenda ökuskírteinið.
Breytingar á skipulagi fréttadeildar RÚV
Gígbarmurinn hækkað frá því í gær
Vonast til að tjaldbúðir við HÍ standi áfram
Banna mengandi búnað sem leyfður er á Íslandi
Hvorki sést áður hér á landi né annars staðar
/frimg/1/29/32/1293273.jpg)
Ekki af baki dottinn og ætlar að opna B5 aftur