Donald Trump Bandaríkjaforseti hefur hótað Íran og kennt landinu um árás sem gerð var á sendiráð Bandaríkjanna í Baghdad í Írak. Mótmælendur réðust á sendiráðið í gær vegna loftárása Bandaríkjamanna í Írak fyrir þremur dögum.
í Twitter-færslu sinni segir forsetinn að árásin verði Íran dýrkeypt, en yfirvöld í Íran neita að hafa skipulagt árásina.
Mótmælendur söfnuðust saman í gær og köstuðu grjóti að sendiráðinu, eyðilögðu öryggismyndavélar og kveiktu í bandaríska fánanum. Tókst öryggisvörðum ekki að koma í veg fyrir að hópurinn kæmist inn fyrir varnarmúra sendiráðsins, þrátt fyrir að beita táragasi og öðrum vopnum. Þetta er í fyrsta sinn í nokkur ár sem mótmælendum hefur tekist að brjóta sér leið inn í bandarískt sendiráð.
....Iran will be held fully responsible for lives lost, or damage incurred, at any of our facilities. They will pay a very BIG PRICE! This is not a Warning, it is a Threat. Happy New Year!
— Donald J. Trump (@realDonaldTrump) December 31, 2019