Delta veldur ekki alvarlegri veikindum hjá börnum
Setja bókamerki
Niðurstöður nýrrar rannsóknar benda til þess að Delta-afbrigði kórónuveirunnar valdi ekki alvarlegri veikindum hjá börnum en önnur afbrigði veirunnar. Rannsóknin var unnin af bandarísku sóttvarnastofnunni (CDC).
Innlögnum barna á sjúkrahús vegna Covid-19 hefur fjölgað til muna í Bandaríkjunum síðan Delta-afbrigðið svokallaða varð ríkjandi afbrigði þar í landi.
Niðurstöður rannsóknarinnar benda einnig til þess að óbólusettir unglingar hafi verið meira en 10 sinnum líklegri að leggjast inn á spítala enn bólusettir unglingar.
Vikulegar innlagnir barna á aldrinum 0 til 17 ára voru lægstar á milli 12.júní og 3.júlí, eða 0,3 á hverja 100.000 íbúa. En voru hæstar í vikunni sem lauk 14.ágúst, eða 1,4 á hverja 100.000 íbúa sem er tæplega fimmföldun á innlögnum.
Innlagnir fleiri þegar Alpha-afbrigðið var ríkjandi
Hæsta innlagnatíðnin hjá börnum var 1,5 á hverja 100.000 íbúa og var þeim toppi náð í janúar þegar Alpha-afbrigðið var ríkjandi afbrigði.
Eftir að hafa skoðað 3.116 sjúkraskrár áður en Delta varð ríkjandi afbrigðið og bera þær saman við 164 sjúkraskrár á meðan Delta hefur verið ríkjandi afbrigði fannst enginn marktæk tölfræði sem studdi áhyggjur vísindamanna. Sagt er í rannsókninni að það þurfi að safna meiri gögnum til þess að geta stutt niðurstöðurnar betur.
Rannsóknin sýndi einnig fram á mikilvægi bólusetninga gegn Covid-19 þegar kemur að því að verja fólk gegn alvarlegum veikindum.
Á tímabilinu 20.júní til 31.júlí, af þeim 68 unglingum sem voru lagðir inn á spítala sem rannsakendur fylgdust með voru þar af 59 óbólusettir, hjá fimm var bólusetning hafin og fjórir voru fullbólusettir.
„Það verður að gera betur“
Ríkið gæti hafa bakað sér skaðabótaskyldu
Hvenær birtast fyrstu tölur?
ICJ skipar Ísrael að stöðva innrásina í Rafah
„Það er ekki sjálfsagt að kaupa vopn“
Búast við eldgosi hvenær sem er