Sprengingar við kjarnorkuver valda miklum áhyggjum
Setja bókamerki
Rafael Grossi, framkvæmdastjóri Alþjóðakjarnorkumálastofnunar(IAEA), lýsir þungum áhyggjum af kjarnorkuverinu við Saporisjía í sunnanverðri Úkraínu. Á seinustu dögum hafa tvær sprengingar orðið nálægt orkuverinu.
Stofnunin hefur nú margoft lýst yfir áhyggjum af öryggi kjarnorkuversins, sem er það stærsta í Evrópu, en rússneskar hersveitir lögðu undir sig kjarnorkuverið í mars á seinasta ári. Saporisjía er sjötta stærsta borg Úkraínu.
„Tíminn að renna út“
„Tíminn er að renna út hvað varðar kjarnorkuöryggi við kjarnorkuverið í Saporisjía,“ segir Grossi í yfirlýsingu. „Ekki nema við grípum til einhverra ráða til þess að verja orkuverið.“
Að því er segir í tilkynningunni frá Grossi, sprungu tvær jarðsprengjur nálægt kjarnorkuverinu í vikunni, sú fyrsta á laugardag en hin fjórum dögum síðar. Ekki varð strax ljóst hvað olli sprengingunum.
Grossi ræddi við talsmenn Rússa í Kalíníngrad í seinustu viku og þar á undan fór hann á fund Volodimírs Selenskís Úkraínuforseta í Saporisjía til þess að ræða öryggisráðstafanir.
Hann varaði einnig við að kjarnorkuverið væri enn að reka sig á stakri rafmangslínu sem enn er virk. Hann segir að það setji kjarnorkuöryggi í gríðarmikla áhættu. Auka rafmagnslína hefur vefrið ónýt síðan þann 1. mars.
„Þær áttu bara að læra sína lexíu“
Halla: Líkti Ólafi Ragnari ekki við Robert Mugabe
Lögregla hafi hvatt til afturköllunar kæru
Telur að Rússar herði sókn sína í norðaustri
Ráðist á ferðamenn: „Það var blóð alls staðar“
Fannari líst ágætlega á aðgerðirnar
„Ég hélt ég myndi deyja, með dóttur mína í bílnum“
Haustbragur í maí: Snjókoma fyrir norðan