Að minnsta kosti 78 fórust og fjölmargra er saknað

Að minnsta kosti 78 flóttamenn fórust eftir að bátur þeirra sökk undan ströndum Pelópsskaga í gærkvöldi, að sögn grísku strandgæslunnar.

Um 104 hefur verið bjargað eftir að fiskibát sem var troðfullur af fólki hvolfdi í Jónahafi. Mikill vindur hefur hamlað björgunaraðgerðum, að sögn strandgæslunnar, en þær eru í fullum gangi. 

Óttast er að mörg hundruð manns til viðbótar hafi farist en allir sem hafa komist lífs af til þessa eru karlar.

Talsmaður strandgæslunnar sagði að báturinn hefði verið 25 til 30 metra langur.

• 1 blogg um fréttina

Bloggað um fréttina

• Jón Magnússon: Ógnarstjórn sektarkenndar