Tilboði tekið í ráðgjafaþjónustu við undirbúning virkjana í Þjórsá
Setja bókamerki
Landsvirkjun hefur formlega tekið tilboði samstarfsaðilanna VST hf., VGK-Hönnunar hf., og Rafteikningar hf. í ráðgjafaþjónustu undirbúnings Hvammsvirkjunar, Holtavirkjunar og Urriðafossvirkjunar í neðri hluta Þjórsár en þessir aðilar áttu hagstæðasta tilboðið sem barst í útboðið. Samningsfjárhæð vegna verksins er rúmar 1370 milljónir.
Verkið felst í svokallaðri útboðshönnun mannvirkja og gerð útboðsgagna ásamt nauðsynlegri undirbúnings- og rannsóknarvinnu fyrir hönnun mannvirkja. Einnig felst í því rýni á verkhönnun virkjananna og hönnunarforsendum og endurskoðun á áætluðu vatnsrennsli og vatnsborði ásamt nánari skoðun á staðsetningu stíflumannvirkja. Þá er annast um gerð yfirlitsáætlunar um framkvæmdir og kostnað. Ráðgjafinn annast lokahönnun virkjananna þriggja og gerð vinnuteikninga ásamt tilheyrandi aðstoð á byggingartíma.
Landsvirkjun hefur opnað sérstakan vef með upplýsingum um áform um virkjanir í neðri hluta Þjórsár.
„Hann var lokaður inni í bátnum“
Mannbjörg þegar strandveiðibátur sökk
Urðu ekki vör við kvikuhlaup
Útlendingafrumvarpið á dagskrá á morgun
Kemur ekki til greina að semja við ESB
Flugvirki lagði ríkið endanlega
Meti umsóknir um ríkisborgararétt