Of geyst farið með vagna

Ökumenn þriggja bíla með tengivagna voru teknir fyrir of hraðan akstur á Hringveginum í Skagafirði á þremur klukkustundum í gær. Sá sem mest var að flýta sér ók á 105 km. hraða.

Hámarkshraði bíla sem draga á eftir sér fellihýsi, tjaldvagna, hjólhýsi og annað slíkt er 80 km á Hringveginum. Samkvæmt upplýsingum lögreglunnar á Sauðárkróki virðast ekki allir átta sig á hámarkshraðanum en aðrir vildu fylgja umferðarhraðanum. Ýmsar aðrar skýringar eru gefnar.

Umferð var þung um Skagafjörð í gær. Margir voru á heimleið af Landsmóti ungmennafélaganna á Akureyri eða af tjaldsvæðum í Mývatnssveit eða annarsstaðar á Norður- og Austurlandi. Umferðin gekk vel.

• 1 blogg um fréttina

Bloggað um fréttina

• Guðrún María Óskarsdóttir.: Með lögum skal land byggja.