Íbúðalánasjóður lækkar vexti

Íbúðalánasjóður hefur í kjölfar útboðs á íbúðabréfum ákveðið að lækka útlánavexti sjóðsins úr 4,60% á lánum með uppgreiðsluákvæði í 4,55%. Vextir á Íbúðalánum án uppgreiðsluákvæðis lækka úr 5,10% í 5,05%. Vaxtalækkunin tekur gildi í dag. Vextir á lánum Íbúðasjóðs lækkuðu síðast þann 18. júní sl.

Vaxtaákvörðun Íbúðalánasjóðs byggir á ávöxtunarkröfu í útboði íbúðabréfa sem haldið var í gær ásamt vegnum fjármagnskostnaði uppgreiðslna ÍLS-veðbréfa. Vegnir vextir í útboðinu og uppgreiddra ÍLS-bréfa eru 4,10%. Vaxtaálag vegna rekstrar er 0,25%, vegna útlánaáhættu 0,20% og vegna uppgreiðsluáhættu 0,50%, að því er fram kemur á vef Íbúðalánasjóðs.

• 1 blogg um fréttina

Bloggað um fréttina

• Heimir Lárusson Fjeldsted: Hvað hagnast vísitölufjölskyldan?