Innlent | mbl | 22.12.2009 | 11:02 | Uppfært 11:42

Fjárlög með 98,9 milljarða halla

Frá Alþingi. Steingrímur J. Sigfússon, fjármálaráðherra, er í ræðustóli. mbl.is/Heiðar

Alþingi samþykkti í dag fjárlög fyrir árið 2010. Samkvæmt þeim verða tekjur ríkissjóðs tæpir 462 milljarðar króna á næsta ári en gjöld 561 milljarður króna. Samkvæmt því verður tekjuhalli ríkissjóðs 98,9 milljarðar króna á næsta ári.

Fjárlagafrumvarpið var samþykkt með 33 samhljóða atkvæðum en 27 þingmenn greiddu ekki atkvæði. Steingrímur J. Sigfússon, fjármálaráðherra, sagðist telja niðurstöðuna mjög viðunandi miðað við aðstæður og raunhæft væri hægt yrði að ná fram frumjöfnuði á ríkissjóði árið 2011 og afgangi árið 2013.

Höskuldur Þórhallsson, þingmaður Framsóknarflokksins, sagði við atkvæðagreiðsluna, að fjárlagafrumvarpið væri vanbúið að mörgu leyti. Sagði Höskuldur að framsóknarmenn gagnrýndu skattahækkunaráform ríkisstjórnarinnar, sem vegi að innviðum samfélagsins og velferðarkerfi þjóðarinnar. „Það hefði verið hægt að vinna málið mun betur," sagði Höskuldur.

Guðbjartur Hannesson, þingmaður Samfylkingarinnar og formaður fjárlaganefndar, sagði að um væri að ræða mikilvæg og erfið fjárlög. Ekki hefði verið leitað ódýrra lausna heldur byggt á þeirri blönduðu leið tekjuauka og samdráttar sem boðuð var.

Bjarni Benediktsson, formaður Sjálfstæðisflokks sagði, að fjárlagafrumvarpið væri illa skipulögð óvissuferð inn í næsta ár. Ríkisstjórnin hefði fyrir kosningarnar í vor þagað þunnu hljóði um skattaáform sín en síðan komið í bakið á bæði atvinnurekendum og launþegum. Allt útlit væri fyrir að afkoma ríkissjóðs yrði mun verri en frumvarpið gerði ráð fyrir.

Kristján Þór Júlíusson, þingmaður Sjálfstæðisflokks, sagði að ríkisstjórnin hefði orðið ber að agaleysi í ríkisfjármálum og virðingarleysi gagnvart Alþingi. 100 milljarða króna halli bæri vitni um að ríkisstjórnin hefði gefist upp við verkefni sitt. „Þetta eru illa grunduð vinnubrögð og svik við gefin fyrirheit," sagði Kristján Þór.

Þór Saari, þingmaður Hreyfingarinnar, sagði að skattahækkanir ríkisstjórnarinnar gangi ekki upp og reyna ætti þess í stað að sækja fé til þeirra sem nýta auðlindir þjóðarinnar án þess að greiða fyrir þær. Sagði hann að sér þætti ekki heil brú í mörgum liðum fjárlagafrumvarpsins.

Breytingartillögur Hreyfingarinnar við frumvarpið fengu ekki hljómgrunn við atkvæðagreiðsluna og voru þær allar felldar með atkvæðum þingmanna hinna flokkanna allra.

Þess má geta, að fjárlög fyrir yfirstandandi ár voru fyrir ári afgreidd með 153 milljarða króna halla. Útlit er fyrir, að halli á rekstri ríkissjóðs verði um 160 milljarðar.

Innlent »

Drangeyjarfélagið er ósátt við bann á veiðum.

Aldagamlar hefðir í hættu

00:24 Hætta er á að aldagamlar hefðir við veiðar og eggjatöku glatist með friðun fimm tegunda svartfugls. Þetta segir stjórn Drangeyjarfélagsins í bréfi sem sent var umhverfisráðherra og öllum þingmönnum. Meira

Frá sjóðfélagafundi Sameinaða lífeyrissjóðsins á Hótel Nordica í kvöld.

Vill óháða úttekt

Í gær, 23:17 Varaformaður stjórnar Sameinaða lífeyrissjóðsins hyggst leggja til við stjórn sjóðsins að fenginn verði utanaðkomandi aðili til að fara yfir málefni sjóðsins. Einnig að að fulltrúar aðildarfélaganna verði fengnir til að fara yfir þau mál sem nefnd eru í skýrslu úttektarnefndar lífeyrissjóðanna. Meira

Fjöldi fólks sótti Vetrarhátíð

Fjöldi fólks kom saman á Skólavörðuholti í tilefni af Vetrarhátíð.

Í gær, 23:08 Fjöldi fólks gerði sér ferð í miðborg Reykjavíkur í kvöld þegar Vetrarhátíðin var sett. Fjöldi viðburða eru um alla borg næstu daga og er markmiðið með þeim að lýsa upp mesta skammdegið í febrúar. Borgarbúum og gestum gefst tækifæri til að taka þátt í fjölbreyttri dagskrá sér að kostnaðarlausu. Meira

Artemisia sigraði aftur

Artemisia Bertus sigraði í meistaradeildinni í kvöld, á Korg frá Ingólfshvoli. Hér er hún með ...

Í gær, 22:31 Artemisia Bertus, Hrímni, á stóðhestinum Korg frá Ingólfshvoli sigraði í gæðingafimi á öðru móti meistaradeildar í hestaíþróttum sem fram fór í Ölfushöllinni á Ingólfshvoli í kvöld. Artemisia sigraði einnig á fyrsta móti meistaradeildarinnar, í fjórgangi, þá á Óskari frá Blesastöðum 1a, og er því með örugga forystu í mótaröðinni. Meira

ESB kallar eftir sameiningu ráðuneyta

Í gær, 21:51 Meðal þess sem kemur fram í tillögu að ályktun utanríkismálanefndar þings Evrópusambandsins sem rædd var á fundi hennar 6. febrúar síðastliðinn er að nefndin leggi áherslu á það við íslensk stjórnvöld að þau haldi áfram vinnu við að sameina ráðuneyti eins og stefnt hafi verið að. Meira

Laun forsætisráðherra hækkað um 217 þúsund

Í gær, 22:43 Laun Jóhönnu Sigurðardóttur hafa hækkað um 217 þúsund krónur á kjörtímabilinu og með starfstengdum greiðslum fær hún 235 þúsund krónum meira fyrir störf sín en í upphafi kjörtímabils. Þetta kemur fram í Fréttatímanum, sem kemur út á morgun. Meira

„Gjörspilltir stjórnmálamenn“ til valda

Í gær, 22:00 Þingflokksformaður Vinstri grænna segir að gjörspilltir stjórnmálamenn séu komnir aftur til valda í Kópavogi og ekki þurfi að óttast að þeir láti almennar leikreglur stöðva sig. Í pistli á vefsvæði sínu segir hann að ástandið sé því orðið eðlilegt aftur í sveitarfélaginu. Meira

Skoða lækkun á gjöldum

Í gær, 21:29 Endurskoða á fasteignagjöld á íbúðir og önnur gjöld með lækkun í huga, samkvæmt málefnasamningi nýs meirihluta í Kópavogi. Þó verði ábyrg fjármálastjórnun viðhöfð og áhersla lögð á niðurgreiðslu skulda. Ennfremur á að leggjast í úttekt á stjórnsýslu og fjármálum sveitarfélagsins. Meira

Sviðið fauk í hávaðaroki

Í gær, 21:28 Vetrarhátíð var sett við Hallgrímskirkju í kvöld en ekki vildi betur til en svo að sviðið fauk á hliðina í rokinu. Flestir áhorfendur voru farnir og enginn var í námunda við sviðið þegar það fauk. Meira

Ætlar á sjóinn aftur

Í gær, 20:35 Eiríkur Ingi Jóhannsson segist hafa fengið góð viðbrögð við frásögn sinni sem birtist í Kastljósi í síðustu viku. Lítið sé að gera við því þó einhverjir hafi viljað líta neikvætt á það. Eiríkur segist ætla aftur á sjóinn sem hann segist ekki óttast þrátt fyrir slysið hörmulega undan Noregsströnd. Meira

Trúnaður ríkir um mál kennara

Í gær, 21:09 Formaður skólanefndar Akureyrar segist ekkert geta tjáð sig um málefni grunnskólakennara í Brekkuskóla sem skrifað hefur um samkynhneigð sem synd á vefsvæði sitt. Málið var tekið fyrir á fundi nefndarinnar fyrr í vikunni. Meira

Minningarsjóður Vilhjálms Vilhjálmssonar

Stofnendur minningarsjóðs um Vilhjálm Vilhjálmsson.

Í gær, 20:23 Stofnaður hefur verið minningarsjóður í nafni Vilhjálms Vilhjálmssonar söngvara. Hlutverk hans er að styrkja árlega til náms söngvara sem þykja skara fram úr á sínu sviði. Meira

410 milljón króna lán Hafnarfjarðar

Í gær, 19:52 Bæjarráð Hafnarfjarðar samþykkti á fundi að leggja til við bæjarstjórn að samþykkja lántöku upp á 410 milljónir króna hjá Lánasjóði sveitarfélaga, vegna endurfjármögnunar afborgana hjá sjóðnum. Meira

Heilsugæslum verði fækkað

Í gær, 19:35 Í skýrslu sem gerð var að beiðni HSA vegna niðurskurðarkröfu stjórnvalda er lagt til að miðstöð bráðalækninga á Austurlandi verði á Egilsstöðum og að heilsugæslustöðvum á svæðinu verði fækkað. Skýrslan er aðeins hugmyndaplagg, segir forstjórinn. Meira

Vill sveigjanlegt eftirlaunakerfi

Jóhanna í hópi níu forsætisráðherra sem funduðu Stokkhólmi í dag.

Í gær, 19:00 Jóhanna Sigurðardóttir, forsætisráðherra, sagði í dag að hún vildi að eftirlaunakerfið væri sveigjanlegt þegar kæmi að starfslokum og upptöku eftirlauna og vísaði til íslenska eftirlaunakerfisins. Meira

Líkir samkynhneigð við bankarán

Í gær, 19:49 Snorri Óskarsson, grunnskólakennari við Brekkuskóla á Akureyri, líkir samkynhneigð við það að ræna banka, að því leyti að hvort tveggja sé synd. Þetta sagði hann í viðtali í fréttum Stöðvar 2 í kvöld. Meira

Átti undir högg að sækja

Ármann Kr. Ólafsson, sjálfstæðisflokki og Rannveig Ásgeirsdóttir, fulltrú Y-lista Kópavogsbúa á blaðamannafundinum.

Í gær, 19:28 Slit meirihlutasamstarfsins í Kópavogi og upplausnin sem í kjölfarið fylgdi má rekja til þess að traust á bæjarstjóranum, Guðrúnu Pálsdóttur, þvarr. Með nýjum meirihluta hverfur Guðrún aftur til fyrri starfa hjá bænum sem sviðsstjóri. Hún er sögð njóta fyllsta trausts. Meira

Voru ekki á varðbergi

Auður Hallgrímsdóttir, formaður stjórnar Sameinaða lífeyrissjóðsins.

Í gær, 18:49 Forsvarsmenn lífeyrissjóða voru ekki á varðbergi gagnvart gölluðum skilmálum kúlulána og hjarðhegðun einkenndi lífeyrissjóðina þegar kom að fjárfestingum fyrir hrun. Þetta segir Auður Hallgrímsdóttir, formaður stjórnar Sameinaða lífeyrissjóðsins, en fundað er nú um lífeyrissjóðaskýrsluna á Nordica. Meira