Áætlaður er fundur formanna þingflokkanna í dag fyrir hádegi þar sem ræðst hvort sumarþing verður haldið eða hvort þinginu lýkur nú á fimmtudag þrátt fyrir mikinn fjölda stórra mála sem liggja ókláruð hjá því.
Í Morgunblaðinu í dag segir Þuríður Backman, formaður þingflokks Vinstri grænna, að af þeim tveimur frumvörpum um sjávarútvegsmál sem liggja fyrir þinginu sé ljóst að það stóra verði ekki afgreitt á vorþinginu enda þurfi svo viðamikið frumvarp vandaða yfirferð, umsagnir og góðan tíma til umræðna, en hún segist búast við að minna frumvarpið verði samþykkt.