Fjöldi fólks er nú við Reykjavíkurtjörn til að sýna Norðmönnum samstöðu. Svæðið framan við Iðnó, Tjarnarmegin, er fullt af fólki. Norski sendiherrann, Dag Wernø Holter, ávarpaði samkomuna og leikin var tónlist eftir Grieg. Þá var mínútu þögn.

Samkomunni átti að ljúka með kertafleytingu á Tjörninni. Samkoman var haldin til að sýna norsku þjóðinni samstöðu og samhug. Ungir jafnaðarmenn efndu til samkomunnar.

Eftir samkomuna getur fólk farið í Ráðhús Reykjavíkur og ritað nöfn sín í minningarbók sem þar verður og vottað Norðmönnum þannig samúð sína.