Nýr meirihluti í Kópavogi

Viðræður milli Sjálfstæðisflokks, Framsóknarflokks og Y-lista Kópavogsbúa í dag hafa borið árangur, og samkvæmt heimildum mbl.is hefur náðst samkomulag milli flokkanna um að mynda nýjan meirihluta. Telja má víst að tilkynnt verði um nýja meirihlutann síðar í dag, en ekki hefur náðst í fulltrúa flokkanna.

Í síðustu kosningum fengu sex framboðslistar menn kjörna í bæjarstjórn. Þar á meðal voru tvö ný framboð, Y-listi Kópavogsbúa og Næstbesti flokkurinn, sem bæði spruttu, að eigin sögn upp úr mikilli óánægju íbúa með framgöngu Sjálfstæðisflokks og Framsóknarflokks, sem voru við völd í bænum í 20 ár. Fulltrúar Y-listans áttu viðræður við Sjálfstæðisflokkinn seint í síðasta mánuði en eftir stuttar viðræður sendi Y-listinn hins vegar frá sér yfirlýsingu og sagðist ekki sjá fram á að geta myndað starfhæfan meirihluta með Sjálfstæðisflokknum.

Flokkarnir héldu áfram viðræðuferlinu í dag og samkvæmt heimildum mbl.is náðu flokkarnir, ásamt Framsóknarflokki saman um að mynda nýjan meirihluta. Hann stendur þó tæpt því aðeins þarf einn bæjarfulltrúa til að fella mál meirihlutans.

• 1 blogg um fréttina

Bloggað um fréttina

• Magnús Helgi Björgvinsson: Þetta er nú furðulegt ef maður les eftirfarandi frétt.