Magnús Eðvald Kristjánsson var í morgun kjörinn nýr forseti kirkjuþings þegar aukakirkjuþing kom saman í Háteigskirkju í morgun til að ræða meðal annars fyrirhugaða þjóðaratkvæðagreiðslu varðandi stjórnarskrána og stöðu kirkjunnar gagnvart stjórnarskránni. Magnús er úr hópi leikmanna á kirkjuþingi, en hefð er fyrir því að forseti kirkjuþings sé ekki vígður.
Magnús hefur um nokkurt skeið verið fulltrúi á kirkjuþingi og var hann kjörinn með 16 atkvæðum, en Margrét Björnsdóttir, sem var starfandi forseti kirkjuþings eftir að Pétur Kr. Hafstein lét af því starfi fyrr á því ári, fékk átta atkvæði.
Nú standa yfir nefndarstörf á þinginu, en tillöguflutningi er lokið. Áætlað er að þinginu ljúki nú síðdegis.