Unnur Brá Konráðsdóttir hefur ákveðið að gefa kost á sér í 2. sæti á framboðslista Sjálfstæðisflokksins í Suðurkjördæmi vegna Alþingiskosninga 2013.

„Ég hef átt afar gott samstarf við kjósendur í Suðurkjördæmi og vonast til að fá áframhaldandi umboð til að vinna að þeim verkefnum sem framundan eru. Málefni kjördæmisins eru mér hugleikin og brýn þörf er á stefnubreytingu stjórnvalda í garð þess.

Öflug atvinnustefna og afgreiðsla faglegrar rammaáætlunar eru málefni sem nauðsynlegt er að leggja brýna áherslu á. Auk þess þarf að draga umsókn um aðild að Evrópusambandinu tafarlaust til baka og leggja fram raunhæfa áætlun í efnahagsmálum með það að markmiði að ná tökum á rekstri ríkissjóðs án frekari skattahækkana og með þá stefnu að geta lækkað skatta til framtíðar,“ segir Unnur Brá í fréttatilkynningu.

Unnur Brá tók sæti á Alþingi árið 2009. Hún hefur verið 6. varaforseti Alþingis, setið í iðnaðarnefnd, menntamálanefnd, velferðarnefnd og félags- og tryggingamálanefnd auk þess sem hún átti sæti í þingmannanefnd sem fjallaði um skýrslu rannsóknarnefndar Alþingis .

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Varaformaður Heimssýnar