11 breytingartillögur við rammann
Setja bókamerki
Lagðar hafa verið fram ellefu breytingartillögur á Alþingi við tillögu um rammaáætlun. Tillögurnar ganga ýmist út á að færa virkjanakosti úr biðflokki í nýtingarflokk, að færa virkjanir úr biðflokki í verndarflokk eða færa virkjanir úr nýtingarflokki í biðflokk.
Rammaáætlun var rædd í fjóra daga á Alþingi í síðustu viku. Óvíst er hvenær samkomulag næst um afgreiðslu málsins, en forystumenn þingflokka hafa rætt saman um afgreiðslu málsins og annarra umdeildra mála á Alþingi.
Jón Gunnarsson alþingismaður og fleiri hafa lagt fram sex tillögur sem gera ráð fyrir að virkjanakostir verði færðar úr biðflokki í nýtingarflokk. Þetta eru m.a. virkjanir í neðri hluta Þjórsár, en verkefnisstjórn lagði á sínum tíma til að þær yrðu í nýtingarflokki.
Sigurður Ingi Jóhannsson alþingismaður hefur einnig lagt fram tvær tillögur um að virkjanakostir á Suðurlandi verði fluttir úr biðflokki í nýtingarflokk.
Jón Bjarnason hefur lagt fram tvær tillögur um að virkjanakostir á Norðurlandi verði fluttir úr biðflokki í verndarflokk. Þetta eru m.a. virkjanir í Jökulsá í Skagafirði.
Þá hefur Atli Gíslason lagt fram breytingartillögu um að virkjanir á Reykjanesi, á Hengilssvæðinu og Bjarnarflagsvirkjanir, sem eru samkvæmt rammaáætlun í nýtingarflokki, færist í biðflokk.
Sjá nánar um stöðu rammaáætlunar á Alþingi
Færri nota rafhlaupahjól eftir djammið
Þetta eru hjólaframkvæmdirnar sem unnið er að
Forsetinn líti yfir axlirnar á þingheimi
Rothissa á vinnubrögðum forystu BÍ
Þyngri refsing fyrir að nauðga stjúpdóttur æskuvinar
Skaut sex sinnum að feðginum á aðfangadagskvöld
Vonast til að tjaldbúðir við HÍ standi áfram
Tveggja mánaða flandur um Nýja-Sjáland