„Stanslaus uppstokkun alla mína tíð“

„Ég held að það hafi enga þýðingu að stokka upp einu sinni enn og betra færi ef þessir flokkar létu af stjórnlyndisstefnu og gamaldags vinstripólitík,“ segir Brynjar Níelsson, þingmaður Sjálfstæðisflokksins, á Facebook-síðu sinni í dag.

Gerir hann þar að umtalsefni ummæli Lilju Mósesdóttur, fyrrverandi alþingismanns, nýverið þess efnis að nauðsynlegt sé að stokka upp vinstrivæng íslenskra stjórnmála eftir stjórnartíma vinstristjórnarinnar á síðasta kjörtímabili.

„Lilja Mósesdóttir talaði um nauðsyn uppstokkunar á vinstrivæng stjórnmálanna eftir fjögurra ára stjórnartíð þeirra, svo hræðilega hefði vinstristjórnin staðið sig. Nú er ég rúmlega hálfrar aldar gamall og man ekki betur en á þeim væng hafi alla mína tíð verið stanslaus uppstokkun.“

• 1 blogg um fréttina

Bloggað um fréttina

• Wilhelm Emilsson: Stjórnlyndi