Fái varanlega undanþágu frá höftum

Samkomulag um að lengja í 226 milljarða skuld Landsbankans í erlendri mynt við kröfuhafa gamla Landsbankans (LBI) er háð þeim skilyrðum að LBI fái „varanlega“ undanþágu frá fjármagnshöftum fyrir öllum greiðslum af skuldabréfunum.

Jafnframt fer LBI fram á að tvær undanþágubeiðnir sem hafa verið sendar til Seðlabankans, að fjárhæð um 265 milljarðar króna, fyrir frekari hlutagreiðslum til kröfuhafa verði samþykktar.

Þetta kemur fram í kynningu á samningnum fyrir kröfuhöfum sem Morgunblaðið hefur undir höndum og fjallað er um í fréttaskýringu í blaðinu í dag.