Bagalegt fyrir þennan viðkvæma hóp
Setja bókamerki
Læknar á geðsviði Landspítalans leggja niður störf á miðnætti aðfaranótt miðvikudags. Göngudeild sviðsins verður lokuð í tvo sólarhring og þjónusta á móttökudeildum verður takmörkuð, eða svipuð og um helgar.
Samkvæmt upplýsingum frá Landspítalanum koma verkfallsaðgerðirnar vissulega illa við flesta eða alla sjúklinga en margir í hópi þeirra sem leita til geðsviðs spítalans eru viðkvæmir fyrir röskun sem þessari, sveiflum í þjónustu.
Ekki verður mikið um viðtöl á miðvikudag og á fimmtudag í þessari viku, komi til verkfallsaðgerðanna. Sálfræðingar og hjúkrunarfræðingar munu sinna sjúklingum og þá verður bráðaþjónusta veitt.
Vona að samningar takist fyrir þriðjudag
María Einisdóttir, framkvæmdastjóri geðsviðs, gerir ráð fyrir að starfsemin verði í hægagangi þá daga sem verkfallið stendur yfir.
„Við munum sinna bráðatilvikum og móttaka annara heilbrigðisstarfsmanna verður með hefðbundnum hætti en göngudeildir lækna lokaðar. Þetta er mjög bagalegt fyrir þennan viðkvæma sjúklingahóp og við vonum að deilan verði leyst áður en til þessara aðgerða kemur,“ segir María Einisdóttir, framkvæmdastjóri geðsviðs.
Fordæmir leyndarhyggju í skólamálum
Kostnaðurinn nemur allt að þremur milljörðum
Fann bein og tönn úr dýrum í sprungunni
Braut gegn konum í Eyjum
Rannsaka drómasýki í hestum
Segir forseta þingsins segja ósatt frá fundinum
14 til 17 milljarða kr. tap vegna skerðinga
„Bíð bara eftir að það fari að gjósa aftur“