Prófessorar í félagi háskólaprófessora við ríkisháskóla samþykktu með afgerandi hætti kjarasamning sem samninganefnd félagsins gerðu við ríkið 25. nóvember.

Rúnar Vilhjálmsson, formaður félagsins, segir í samtali við mbl.is að mikil þáttaka hafi verið í rafrænni atkvæðagreiðslu um samninginn. Af 313 félagsmönnum greiddu 252 atkvæði, 81%.

Af þeim greiddu 95,6% atkvæði með samningnum, 241, en 11, 4%, gegn honum. Atkvæðagreiðslunni lauk klukkan 9 í morgun.

Rúnar fagnar þessari niðurstöðu, því hefði samningurinn ekki verið samþykktur hefðu prófessorar farið í verkfall, því verkfalli þeirra var aðeins frestað eftir að samningar náðust milli félagsins og ríkisins. Það hefði haft miklar afleiðingar fyrir háskólanema í prófum.

Hann vonast til að betri gangur verði í samningum eftir áramót, þannig að ekki þurfi að grípa aftur til sambærilegra aðgerða. Samgingurinn gildir út febrúar, en vinna við lengri samning mun hefjast strax um áramótin.

Rúnar Vilhjálmsson. Ljósmynd/ Ásdís Ásgeirsdóttir

Tengdar fréttir

Kjaradeila kennara

Samningurinn ekki nógu góður

• Eingreiðsla og vinnumat fellt út
• Grunnskólakennarar undirrita kjarasamning
• Fáir kennarar stóðu við uppsagnir
• Starfið þurfi að vera samkeppnishæft

» Fleiri tengdar fréttir

• Blogga um frétt