Kastljós féll niður í kvöld vegna tæknilegra örðugleika. Ræða átti við Dag B. Eggertsson borgarstjóra í þætti kvöldsins en önnur tilraun verður gerð annað kvöld.
Dagur skrifar á Facebook-síðu sína í kvöld að hann hafi verið í einu eftirminnilegast Kastljós-viðtali sem hann hafi mætt í kvöld.
„Hef lengi reynt að stytta mál mitt, en það hefur sjaldnast heppnast jafn vel og í kvöld. Það vantaði ekkert nema hljóð og mynd! Sjáumst hress annað kvöld,“ skrifar Dagur.