Menntaskólinn í Reykjavík var formlega settur í 170. sinn við hátíðlega athöfn í Dómkirkjunni í dag. Nemendur voru almennt spenntir að hefja nám á ný, en voru sammála um að athöfnin í kirkjunni væri nokkuð formleg.
215 nýnemar hefja nám við skólann þetta haustið og eru það færri en síðustu ár. Rektorinn Yngvi Pétursson sagði það vera vegna ákvörðunar stjórnvalda um fækkun ársnemenda í fjárlögum. Yngvi gagnrýndi jafnframt styttingu framhaldsskólanáms í ræðu sinni og sagði m.a. að „því miður virtust stjórnvöld ákveðin í því að skerða ætti námið hjá þeim sem á eftir kæmu“.
Frétt mbl.is: Skerða hjá þeim sem á eftir koma