„Við vinnum hérna á Íslandi hartnær 500 tímum meira heldur en t.d. Þjóðverjar og 400 tímum meira en Hollendingar,“ segir Björn Leví Gunnarsson, þingmaður Pírata aðspurður að því hvort raunhæft sé að fækka vinnustundum. En hann er flutningsmaður frumvarps til laga um að fækka vinnustundum landsmanna úr 8 í 7.

Þetta séu þjóðir sem við eigum að bera okkur saman við en samkvæmt mælingum á hlutfalli vinnustunda í daglegu lífi séu Íslendingar nær Ungverjum og Eistum. Færri vinnustundir hafi samkvæmt sumum rannsóknum leitt til betri framleiðni.

Hann bendir á að það hafi tekið 40 ár að færa vinnustundir í 40 þrátt fyrir lagasetningu árið 1972 og því sé þetta ekki breyting sem muni ganga fljótt í gegn. Nauðsynlegt sé að koma umræðunni af stað.

mbl.is ræddi við Björn Leví á Alþingi í dag. 

Sjá frétt mbl.is: Vinnuvikan verði 35 stundir.

Tengdar fréttir

Stytting vinnuvikunnar

Vinna tveimur klukkustundum skemur vikulega

• Styttri vinnuvika valdi ekki manneklu
• Stytting vinnuviku flókin en líka nauðsynleg
• Fjórir prófa styttri vinnuviku
• Styttri vika léttir undir með foreldrum

» Fleiri tengdar fréttir

• 2 blogg um fréttina

Bloggað um fréttina

• Ásthildur Cesil Þórðardóttir: Vel raunhæft að vinna minna, en það krefst ögunar.
• Gunnar Heiðarsson: Atvinnurekendur vilja ekki auka framlegð