Líðan manns á þrítugsaldri sem stunginn var með hnífi fyrir utan stúdentagarðana við Sæmundargötu í Reykjavík aðfaranótt sunnudags er óbreytt. Hann er þungt haldinn og er honum haldið sofandi í öndunarvél á gjörgæsludeild Landspítalans.
Hann gekkst undir aðgerð eftir komuna á sjúkrahús.
Maðurinn var stunginn í bakið og hefur árásarmaðurinn játað verknaðinn. Honum var sleppt úr haldi í gær eftir að Héraðsdómur Reykjavikur hafnaði því að gæsluvarðhald yfir honum yrði framlengt.
Mennirnir eru sagðir vera vinir og eru þeir báðir fæddir árið 1989, en svo virðist sem einhver ágreiningur hafi komið upp á milli þeirra.