„Mega allir sjá mitt skattframtal“
Setja bókamerki
„Málið er auðvitað miklu stærra en svo að það snúist aðeins um skil á sköttum,“ segir Katrín Jakobsdóttir, formaður Vinstrihreyfingarinnar - græns framboðs, í samtali við mbl.is spurð um viðbrögð við þeim ummælum Sigmundar Davíðs Gunnlaugssonar, fyrrverandi forsætisráðherra, í samtali við Morgunblaðið um helgina að hann sé reiðubúinn að birta skattframtal sitt og tengd gögn gegn því að forystumenn annarra stjórnmálaflokka geri slíkt hið sama.
Frétt mbl.is: Reynir að gera aðra ábyrga
Málið sé í rauninni tvíþætt og snúist annars vegar um það að hafa átt eignir í aflandsfélagi og hins vegar að hafa reynt að halda því leyndu. Fólk upplifi það sem svo að Sigmundur hafi reynt að leyna málinu alveg fram á síðasta dag. „Ef vilji er til þess á Alþingi að alþingismenn og forystumenn geri betur grein fyrir sínum fjármálum með nákvæmari upplýsingum, sem ég tel ekkert óeðlilegt, þá stendur ekki á mér með það. Það mega allir sjá mitt skattframtal.“
Veita fyrirtækjum brú yfir óvissutímabil
Mennirnir í haldi lögreglunnar á Suðurnesjum
Vantar fólk: „Þetta er gaman en það er ekki nóg“
Tímaspursmál hvenær framleiðslu verði hætt
„Hann var lokaður inni í bátnum“
Um 70 jarðskjálftar í kvikuganginum