Lögreglan hefur handtekið karlmann sem er grunaður um að hafa stolið skartgripum úr verslunum á höfuðborgarsvæðinu. Þýfið er metið á margar milljónir króna. 

Lögreglan á höfuðborgarsvæðinu staðfestir þetta í samtali við mbl.is.

Maðurinn, sem er ferðamaður, var handtekinn síðdegis í dag. Hann er nú í haldi og bíður yfirheyrslu. Lögreglan telur að maðurinn eigi sér samverkamann og er hans nú leitað.

Ábendingar og myndir úr eftirlitsmyndavélum verslana komu lögreglu á sporið.

Nánari upplýsingar liggja ekki fyrir að svo stöddu enda málið á frumstigi.

Þeir sem hafa frekari upplýsingar um málið geta haft samband við lögregluna á höfuðborgarsvæðinu, en hægt er að hringja í síma 444 1000 eða senda tölvupóst á netfangið abending@lrh.is.

Tengdar fréttir

Grunaðir um stórfelldan þjófnað

Mikið magn rakvélablaða úr landi

• Sæta áfram gæsluvarðhaldi
• Óska eftir lengra gæsluvarðhaldi
• Skartgripir, dýr föt og riffilsjónauki
• Annar maðurinn í gæsluvarðhald

» Fleiri tengdar fréttir

• Blogga um frétt