„Þegar fleiri ríki ganga í samtökin þín, þá þýðir það venjulega að þú öðlast meiri áhrif á alþjóðavettvangi,“ segir Lilja Alfreðsdóttir utanríkisráðherra í samtali við norska fjölmiðla um skoðun sína á hugsanlegri inngöngu Breta í EFTA.

Í vikunni tjáði Evrópumálaráðherra Noregs, Elisabeth Aspaker, sig um málið þar sem hún sagðist gagnrýnin á að hleypa Bretum inn í EFTA. Lilja segir það hins vegar of snemmt að útiloka þann möguleika. „Það er okkar skoðun að það er of snemmt að útiloka breska aðild að EFTA,“ segir Lilja.

Aspaker sagði í viðtali við Aftenposten að það væri varhugavert að hleypa Bretum inn í EFTA af þeirri ástæðu að þá myndu valdahlutföll innan EFTA riðlast til og að það væri ekki endilega jákvætt fyrir Noreg. Segir í frétt E24 að þessi ummæli hafi vakið mikla athygli í breskum fjölmiðlum. 

Lilja segist í samtali við E24 að Íslendingar séu nú farnir af stað með greiningarvinnu til að takast á við útgöngu Breta úr Evrópusambandinu með sem bestum hætti.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 3 blogg um fréttina

Bloggað um fréttina

• Jóhann Elíasson: SVONA UMMÆLI ERU EITUR FYRIR INNLIMUNARSINNA
• Ægir Óskar Hallgrímsson: Sammála Lilju.
• Kristbjörn Árnason: Það er e.t.v. rétt, að EFTA yrði áhrifameira