Frestur til kaupa á Felli ekki liðinn

Jörðin Fell liggur að Jökulsárlóni.
Jörðin Fell liggur að Jökulsárlóni. mbl.is/Ómar Óskarsson

Sýslumaðurinn á Suðurlandi segir að frestur ríkisins til að taka afstöðu til nýtingar forkaupsréttar á jörðinni Felli við Jökulsárlón hafi ekki verið liðinn þegar ákveðið var að nýta forkaupsréttinn 9. janúar.

„Það er meginregla að forkaupsréttur verði ekki virkur fyrr en bindandi samningur kemst á milli eiganda forkaupsréttarandlags og kaupanda. Í lagalegum skilningi er litið svo á að bindandi samningur kemst ekki á fyrr en tilboð er samþykkt sem í þessu tilviki var 11. nóvember 2016,“ segir í tilkynningu frá sýslumanni.

Frétt mbl.is: Var fresturinn framlengdur?

Fréttablaðið greindi frá því í morgun að vegna klúðurs hjá sýslumanninum á Suðurlandi og fjármálaráðuneytinu væru líkur á því að ríkið hafi keypt jörðina eftir að frestur til þess rann út, sem gæti orðið til þess að það geti ekki eignast jörðina.

Anna Birna Þráinsdóttir, sýslumaðurinn á Suðurlandi, vísar því á bug í samtali við mbl.is að um klúður hafi verið að ræða.  Hún tekur fram að fresturinn til að nýta sér forkaupsréttinn á jörðinni hafi aldrei verið framlengdur.

„Fresturinn telst ekki frá fyrr en kominn er bindandi kaupsamningur. Þá fyrst getur ríkissjóður tekið afstöðu til kaupanna. Í bréfi embættisins tíl ríkisins þegar því er tilkynnt um sinn forkaupsrétt hafa þeir frest til 10. janúar,“ segir Anna Birna. „Í kaupsamningi sem gerður var við kaupanda, Fögrusali, er líka tiltekið að ríkið hafi til 10. janúar til að neyta forkaupsréttar.“

Margir sýndut jörðinni Fell, sem nær yfir hluta Jökulsárlóns, áhuga.
Margir sýndut jörðinni Fell, sem nær yfir hluta Jökulsárlóns, áhuga. mbl.is/Ómar Óskarsson

Í fréttatilkynningunni kemur einnig fram að greina verði nákvæmlega frá samningsskilmálum í forkaupsréttartilboði. Það forkaupsréttartilboð sem var sent forkaupsréttarhafa 7. nóvember hafi ekki borið með sér hina endanlegu kaupsamningsskilmála. Þeir hafi ekki verið ljósir fyrr en við samþykkt tilboðsins 11. nóvember 2016.

„Afstaða embættis sýslumannsins á Suðurlandi er sú að þar sem ekki komst á bindandi kaupsamningur milli sýslumannsins á Suðurlandi f.h. landeiganda Fells og kaupanda fyrr en 11. nóvember 2016, þegar kauptilboðið var samþykkt með endanlegum samningsskilmálum, getur forkaupsréttartilboð, þar sem ekki er greint frá endanlegum og bindandi skilmálum kaupsamnings, ekki haft réttaráhrif sem slíkt fyrr en í fyrsta lagi á þeim degi sem endanlegt kauptilboð var samþykkt,“ segir í tilkynningunni.

„Þá bera skilmálar kaupsamningsins, sem kaupandi undirritaði, með sér að frestur forkaupsréttarhafa, Ríkissjóðs, rynni út þann 10. janúar 2017 og var því ekki mótmælt af hálfu hans og mátti því vera  fyllilega ljóst frá 11. nóvember 2016 að miðað yrði við þá dagsetningu.“

Í tilkynningunni kemur fram að gengið verður frá sölu jarðarinnar Fells, fyrir hönd landeigenda, til Ríkissjóðs á næstu dögum. Afsal verður gefið út þegar skilyrði kaupsamnings hafa verið uppfyllt.

Fréttatilkynningin í heild sinni:

„Það er meginregla að forkaupsréttur verði ekki virkur fyrr en bindandi samningur kemst á milli eiganda forkaupsréttarandlags og kaupanda. Í lagalegum skilningi er litið svo á að bindandi samningur kemst ekki á fyrr en tilboð er samþykkt sem í þessu tilviki var 11. nóvember 2016. Samkvæmt gildandi rétti þarf jafnframt í forkaupsréttartilboði að greina nákvæmlega frá samningsskilmálum, sem bera með sér að vera bindandi og afdráttarlausir. Forkaupsréttartilboð það sem sent var forkaupsréttarhafa þann 7. nóvember bar ekki með sér hina endanlegu kaupsamningsskilmála, þeir urðu ekki ljósir fyrr en við samþykkt tilboðsins þann 11. nóvember 2016. Ríkissjóði sem forkaupsréttarhafa var tilkynnt um frest til að neyta lögbundins forkaupsréttar síns þann 7. nóvember 2016, með bréfi embættisins sýslumannsins á Suðurlandi þar sem fram kom að frestur til að taka afstöðu til réttarins rynni út þann 10. janúar 2017, 60 dögum eftir að boðið var samþykkt og forkaupsrétturinn virkjaðist.

Afstaða embættis sýslumannsins á Suðurlandi er sú að þar sem ekki komst á bindandi kaupsamningur milli sýslumannsins á Suðurlandi f.h. landeiganda Fells og kaupanda fyrr en 11. nóvember 2016, þegar kauptilboðið var samþykkt með endanlegum samningsskilmálum, getur forkaupsréttartilboð, þar sem ekki er greint frá endanlegum og bindandi skilmálum kaupsamnings, ekki haft réttaráhrif sem slíkt fyrr en í fyrsta lagi á þeim degi sem endanlegt kauptilboð var samþykkt.
Þá bera skilmálar kaupsamningsins, sem kaupandi undirritaði, með sér að frestur forkaupsréttarhafa, Ríkissjóðs, rynni út þann 10. janúar 2017 og var því ekki mótmælt af hálfu hans og mátti því vera  fyllilega ljóst frá 11. nóvember 2016 að miðað yrði við þá dagsetningu. Verður því að miða við að forkaupsréttartilboðið hafi fyrst haft réttaráhrif þann 11. nóvember 2016 og því sé yfirlýsing Ríkissjóðs um nýtingu forkaupsréttarins, sem barst þann 9. janúar sl., komin fram innan lögbundins frests.

Gengið verður frá sölu Fells til Ríkissjóðs á næstu dögum og afsal gefið út þegar skilmálar kaupsamnings hafa verið.

Mun á næstu dögum verða gengið frá sölu jarðarinnar Fells f.h. landeiganda til Ríkissjóð og mun afsal verða gefið út þegar skilyrði kaupsamnings hafa verið uppfyllt.“

mbl.is

Innlent »

„Þungt áfall fyrir litla þjóð“

10:09 Landssöfnunin vegna hamfaranna í Grænlandi fer vel af stað og hefur Reykjavíkurborg samþykkt að leggja til 4 milljónir króna. Hrafn Jökulsson, talsmaður söfnunarinnar, segir viðbrögð Íslendinga skipta sköpum fyrir Grænlendinga. Meira »

Farin til Los Angeles

08:49 Flugvél WOW air frá Keflavík til Los Angeles tók á loft klukkan 7:31 í morgun, rúmum hálfum sólarhring á eftir áætlun. Svanhvít Friðriksdóttir, upplýsingafulltrúi WOW air, segir að smávægileg vélarbilun hafi komið upp. Meira »

Brautarmet í B-flokki

08:45 Um klukkan korter yfir sjö í morgun komu fyrstu lið í WOW Cyclothon í mark eftir æsispennandi endasprett tveggja fremstu liða. Úrslit réðust fyrst í flokki B liða karla þar sem lið CCP kom í mark á tímanum 36:13:27 sem er nýtt brautarmet í WOW Cyclothon. Meira »

Stormviðvörun og ausandi rigning

08:21 Spáin fyrir daginn er allt annað en spennandi því spáð er norðaustan hvassviðri eða stormi austan Öræfa og á sunnanverðum Austfjörðum í dag en norðanstæðari í kvöld. Ausandi rigning verður á austanverðu landinu, þó einna mest á norðanverðum Austfjörðum. Meira »

Eldur í potti á veitingastað

08:12 Slökkvilið höfuðborgarsvæðisins var kallað út að veitingastað í Hafnarstræti skömmu fyrir átta í morgun vegna elds í potti á staðnum. Meira »

CCP marði sigur í B-keppni

07:20 Lið CCP varð fyrst í mark í B-keppni liða í WOW Cyclot­hon-hjólreiðakeppninni en lið Zwift var um mínútu á eftir CCP í mark. Meira »

Of dýrt svo hún stal því

06:13 Óskað var eftir aðstoð lögreglu vegna þjófnaðar í Smáralind síðdegis í gær en þar hafði kona ætlað að kaupa vörur en þar sem henni fannst þær of dýrar ákvað hún að stela þeim. Meira »

Lið Hjólakrafts komið í mark

06:36 Lið Hjólakrafts er komið í mark eftir að hafa hjólað hringinn í kringum landið í WOW Cylothon keppninni. Stutt er í að fyrstu liðin í B-flokki renni í mark. Meira »

17 ára á 141 km hraða

05:48 Lögreglan stöðvaði för bifreiðar á Þingvallavegi í Mosfellsdal á níunda tímanum í gærkvöldi eftir að hafa mælt bifreiðina á 141 km hraða á klukkustund en leyfður hraði þarna er 70 km/klst. Meira »

Nýtt deilihagkerfi í pípunum

05:30 Reykjavíkurborg hyggst á þessu ári leigja út bílastæði til svonefndra deilibílaleiga eða -samtaka. Tillaga samgöngustjóra borgarinnar, Þorsteins R. Hermannssonar, að stefnumótun um deilibifreiðarnar var samþykkt einróma í umhverfis- og skipulagsráði síðastliðinn miðvikudag. Meira »

Aukning við flugvöllinn

05:30 Skipulagsyfirvöld í Reykjavík íhuga að heimila fleiri íbúðir í fyrirhuguðu hverfi við Reykjavíkurflugvöll en áður var miðað við. Þegar hefur verið ákveðið að fjölga íbúðum á Hlíðarendasvæðinu, úr 600 í 780. Meira »

Sama klæðning notuð hér á landi

05:30 Klæðning sömu gerðar og notuð er í Grenfell-turninum í Lundúnum finnst einnig í eldri byggingum hér á landi, en hún er talin eiga stóran þátt í því að háhýsið varð alelda fyrr í þessum mánuði. Meira »

Víða laus herbergi á hótelum

05:30 Færri erlendir ferðamenn virðast vera á eigin vegum á landsbyggðinni það sem af er ári og eitthvað vantar upp á að hóparnir sem fara í skipulegar hringferðir séu fullir. Meira »

Alltaf barátta um hver fær mesta plássið

Í gær, 21:26 Þau skreppa ekki lengur í klukkutíma í frissbí á hljómsveitaræfingum, enda þarf að nýta tímann vel þegar fólk hefur eignast börn og er í fullri vinnu. Hljómsveitin Kiriyama Family er komin með bandarískan umboðsmann og heldur útgáfutónleika á morgun, föstudag, til að fagna nýju plötunni, Waiting For. Meira »

Tólf milljónir á þremur dögum

Í gær, 21:12 Tólf milljónir króna hafa safnast á fyrstu þremur dögunum í landssöfnuninni „Vinátta í verki“ sem Hjálparstofnun kirkjunnar, í samvinnu við Kalak og Hrókinn, efndu til eftir hamfarirnar á Grænlandi um síðustu helgi. Meira »

Næsta hlaup tímaspursmál

Í gær, 22:05 Sérfræðingar telja það tímaspursmál hvenær næsta berghlaup verði á Grænlandi. Þegar fellur úr bergi á einum stað getur myndast óstöðugleiki í kring, segir Ingibjörg Jónsdóttir landfræðingur. Meira »

Birta ekki nöfn umsagnaraðila

Í gær, 21:16 Þeim einstaklingum, sem sótt hafa um uppreist æru og uppfylla lagaskilyrði hefur verið veitt uppreist æru. Þá mun dómsmálaráðuneytið ekki afhenda gögn er varða einstaka umsóknir um uppreist æru, þar á meðal nöfn þeirra einstaklinga sem hafa vottað um góða hegðun einstakra umsækjenda. Meira »

Ítrekað kallað eftir aðgerðum ráðuneytis

Í gær, 20:55 Samskiptamiðstöð heyrnalausra og heyrnarskertra hefur kallað eftir því í mörg ár að ráðuneyti setji reglugerð um úthlutun fjár vegna túlkaþjónustu að sögn forstöðumanns. Meira »

Wow Cyclothon

Hyundai i30 Station 2014
Til sölu Hyundai i30 ssk station 2014, ekinn 86.xxx km,Gullfallegur á góðum vet...
Þurrkari
...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
Volvo XC60
Á götuna 4/2015 ekinn 32.000 km. Tvílitt leður, brúnn metalic. Tvöf. dekkjagangu...
 
Breyting á aðalskipulagi
Tilkynningar
Auglýsing um skipulag á Akranesi Tilla...
Eldri borgarar
Staður og stund
Árskógum 4 Félagsstarfið er með opið í s...
Félagsstarf aldraða
Staður og stund
Árskógum 4 Félagsstarfið er með opið í s...
Félagstarf aldraðra
Staður og stund
Árskógum 4 Félagsstarfið er með opið í s...