Vikan verður nokkuð róleg í bólusetningum við Covid-19 miðað við stóru bólusetningavikurnar sem að baki eru, að sögn Ragnheiðar Óskar Erlendsdóttur, framkvæmdastjóra hjúkrunar hjá Heilsugæslunni á höfuðborgarsvæðinu. 

Bólusett verður með bóluefni Pfizer á miðvikudaginn á höfuðborgarsvæðinu, alls 7.700 skömmtum.

„Það fer mest í endurbólusetningar og svo afgangurinn í að bólusetja foreldra og aðstandendur langveikra barna,“ segir Ragnheiður Ósk.  

Slík bólusetning kallast hringbólusetning. Þegar ekki er hægt að bólusetja barnið, sökum aldurs eða sjúkdóms, eru aðstandendur hringinn í kring bólusettir útskýrir Ragnheiður. 

Á fimmtudaginn verða þrjú þúsund skammtar af bóluefni AstraZeneca gefnir á höfuðborgarsvæðinu, eingöngu í endurbólusetningar. 

Frétt af mbl.is

Ráðleggingar til þeirra sem eiga langveik börn

Meira fjör í næstu viku

Ragnheiður segir að meiri kraftur verði í bólusetningum í næstu viku. Ekki liggi fyrir nákvæmar tölur eins og er „en það er bjartara fram undan“.

Fleiri skammtar koma af Pfizer og frá Moderna. Ragnheiður segir að sendingarnar frá þeim lyfjaframleiðendum fari stækkandi.

„Þá verður meira fjör,“ segir Ragnheiður Ósk.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• 1 blogg um fréttina

Bloggað um fréttina

• Kristín Inga Þormar: Núna verður enn meira fjör í bólusetningunum, og já, þetta …