Sjálfstæðismenn hafa boðað til funda víða um land á laugardaginn kemur til að ræða undirbúning Alþingiskosninga. Þannig hafa kjördæmisráð flokksins í Suður-, Norðvestur- og Norðausturkjördæmi öll auglýst fundi. Einnig hefur Vörður - fulltrúaráð sjálfstæðisfélaganna í Reykjavík boðað til fundar á laugardag.
Stjórn Varðar leggur til að fram fari prófkjör í Reykjavík og verða greidd atkvæði um hana. Á fundum kjördæmisráðanna verður tilhögun vals á framboðslista ákveðin.