Flestar breytingar á D-lista
Setja bókamerki
Flestar útstrikanir og breytingar voru gerðar á atkvæðaseðlum Sjálfstæðisflokksins við borgarstjórnarkosningarnar í gær. 4475 kjósendur flokksins breyttu atkvæðaseðlunum sem er liðlega 22% kjósenda flokksins í Reykjavík.
Í heildina komu fram 6915 breyttir seðlar í Reykjavík, samkvæmt upplýsingum yfirkjörstjórnar. Það svarar til um 11% greiddra atkvæða í borginni.
Verið er að vinna úr þessum listum og niðurstöður liggja ekki fyrir um það hversu oft seðlum hefur verið breytt hjá einstökum frambjóðendum. Þó er ljóst að þessir seðlar munu engin áhrif hafa á það hverjir verða borgarfulltrúar eða í hvaða röð.
971 atkvæðaseðli Samfylkingarinnar var breytt, 904 hjá Besta flokknum, 475 hjá VG, 15 hjá Framboði um heiðarleika og almannahagsmuni, 9 hjá Reykjavíkurframboðinu og 5 hjá Frjálslynda flokknum.
Með breyttum seðlum er átt við atkvæðaseðla þar sem kjósandi viðkomandi flokks hefur strikað yfir nafn eða nöfn frambjóðenda eða breytt röðun þeirra á listanum.
Kemur ekki til greina að semja við ESB
Samþykkt kaup á fasteignum að virði 52 milljarða
Opin fyrir almennri kosningu biskups
„Bíð bara eftir að það fari að gjósa aftur“
Mannbjörg þegar strandveiðibátur sökk
Þakklátur Kínverjum fyrir friðarumleitanir
Ástand Ficos stöðugt en „mjög alvarlegt“
Útlendingafrumvarpið á dagskrá á morgun