Tók því ekki fyrir tvo mánuði
Setja bókamerki
„Það var bara niðurstaða okkar að breyta þessu ekki þar sem það er svo stutt eftir af ríkisstjórnartímabilinu. Mér fannst einhvern veginn óþarfi að gera sjálfa mig að staðgengli forsætisráðherra fyrir tvo mánuði,“ segir Katrín Jakobsdóttir, formaður Vinstrihreyfingarinnar - græns framboðs.
Fram kemur í tilkynningu frá forsætisráðuneytinu í dag að á meðan Jóhanna Sigurðardóttir, forsætisráðherra, sé stödd erlendis sé Steingrímur J. Sigfússon, atvinnuvega- og nýsköpunarráðherra og forveri Katrínar á stóli formanns VG, starfandi forsætisráðherra. Steingrímur leysti Jóhönnu allajafna af á kjörtímabilinu við slíkar aðstæður á meðan hann var formaður VG og þar með annar oddviti ríkisstjórnarinnar.
„Það var bara okkar samkomulag að hafa þetta svona fyrst það er svona stutt eftir af kjörtímabilinu. Við skiptum heldur ekki um sæti við ríkisstjórnarborðið eins og við hefðum annars átt að gera. Mér fannst það bara einhvern veginn ekki taka því fyrir tvo mánuði,“ segir hún.
Allt á kafi í snjó við Dettifoss
„Lítur út fyrir að að landris sé hafið að nýju“
„Tjáningarfrelsið gildir jafnt um ólíkar skoðanir“
Nýtt þjóðarsjúkrahús verði tilbúið 2029
Ólíklegt að starfsáætlun gangi eftir
„Nálgast núllpunktinn í lok ágúst“
Boston vinnur annan leikinn í röð