Matur | mbl | 23.6.2019 | 15:07

Bananabrauð með trönuberjum, möndlum og kókos

Gargandi gott bananabrauð. mbl.is/Columbus Leth

Innihaldslýsingin ein og sér er svo girnileg að við þurfum næstum ekki neitt meira. Þetta safaríka brauð er það besta sem þú getur boðið upp á í helgarbrönsinum. Hér er notast við 4 lítil bökunarform en ef þú átt ekki slík, þá má vel nota eitt stórt en þá breytist bökunartíminn í 50 mínútur.

Bananabrauð með trönuberjum, möndlum og kókos

125 g smjör
175 g sykur
2 egg
3 þroskaðir bananar
100 g sólþurrkuð trönuber
150 g hveiti
150 g kókosmjöl
2 tsk. kanill
2 tsk. lyftiduft
100 g möndlur
Kókosflögur til skreytingar

Aðferð:

Hitið ofninn á 175°.
Pískið smjör og sykur saman. Pískið eggin út í eitt í einu.
Maukið bananana og blandið þeim út í deigið og bætið trönuberjunum út í.
Blandið hveiti, kókosmjöli, kanil og lyftidufti í aðra skál. Hakkið möndlurnar gróflega og blandið þeim út í hveitiblönduna. Blandið hveiti blöndunni út í deigið.
Smyrjið 4 lítil bökunarform (eða 1 stórt bökunarform) hellið deiginu í. Stráið kókosflögum yfir og bakið í ofni í 25-30 mínútur (bakið í 50 mínútur ef deigið fer í stórt form). Stingið í með prjóni til að athuga hvort brauðið sé tilbúið.
Leyfið aðeins að kólna áður en borið er fram.