Matur | mbl | 23.3.2021 | 10:53

Dásamlegur kvöldverður að hætti Nigellu

Nigella Lawson.

Þessi dásemd kemur úr smiðju Nigellu Lawson sem fer fögrum orðum um uppskriftina enda lamb í miklu uppáhaldi hjá henni.

Hér erum við að tala um kótilettur sem Nigella fullyrðir að smakkist jafn vel heitar sem kaldar. Hjúpurinn er búinn til úr brauðmylsnu og parmesan-osti og útkoman er einstaklega krispí og fáránlega bragðgóð.

Krispí kótilettur Nigellu

Fyrir fjóra

10 lambakótilettur (með beini)
175 g brauðmylsna
10 g rifinn parmesan-ostur
2 stór egg, pískuð saman við salt og pipar
salt
pipar
ólífuolía (til að steikja)

Aðferð:

Snyrtið kjötið og leggið á plastfilmu. Setjið plastfilmu yfir kjötið og lemjið vel með kjöthamri eða kökukefli.
Blandið brauðmylsnunni og parmesan-ostinum saman við eggin. Hitið olíu á pönnu og hafið nóg af olíu – eða um 1 sm á dýpt.
Dýfið kótilettunum í eggjablönduna og steikið í um það bil þrjár mínútur á hvorri hlið uns gullinbrúnt.