Fjögurra ára dóttir bandaríska hnefaleikarans Mike Tysons lést í gær eftir að hún flæktist í æfingatæki á heimili sínu í Phoenix í Arisona á mánudag.
Stúlkan, sem hét Exodus, slasaðist er hún var að leika sér á stigbretti, sem er í einu herbergi hússins. Hún virðist hafa flækst í rafmagnssnúru sem vafðist um háls hennar. 7 ára gamall bróðir stúlkunnar kom að henni í gærmorgun og kallaði á móður sína, sem var í næsta herbergi. Móðirin losaði stúlkuna og gerði á henni lífgunartilraunir þar til bráðaliðar komu á staðinn. Hún var endurlífguð en lést síðar á sjúkrahúsi.
Tyson býr ekki í húsinu. Hann var í Las Vegas en kom til Phoenix í gær.
Lögregla segir ekkert benda til annars er að um slys hafi verið að ræða.