Þrjár unglingsstúlkur frá Bandaríkjunum, sem grunaðar eru um að hafa ætlað að ganga til liðs við samtökin Ríki íslam, hafa verið sendar aftur heim eftir að hafa verið stöðvaðar á flugvelli í Þýskalandi.
Stúlkurnar, sem eru frá Colorado en af súdönskum og sómölskum ættum, voru á leið til Tyrklands þegar þær voru stöðvaðar af yfirvöldum á flugvellinum í Frankfurt.
Fjölskyldur stúlknanna höfðu samband við lögreglu þann 17. október og tilkynntu um hvarf þeirra. Þær höfðu ekki mikinn farangur meðferðis, aðeins vegabréf og 2000 dollara, eða rúmar 241 þúsund krónur.