Aldrin laus af sjúkrahúsinu

Tunglfarinn Buzz Aldrin er útskrifaður af sjúkrahúsi í Nýja-Sjálandi og er á leið heim til Bandaríkjanna. Aldrin veiktist skyndilega í ferð á suðurpólinn og var fluttur til Nýja-Sjálands fyrir síðustu helgi. Hann minntist jafnframt vinar síns John Glenn sem lést í gær.

Aldrin var sagður hafa fengið einkenni háfjallaveiki og var meðal annars andstuttur eftir að kom með hópi ferðamanna á suðurpólinn 2. desember. Hann var fluttur með flugi til Nýja-Sjálands þar sem hann dvaldi á sjúkrahúsi í viku. Umboðsmaður Aldrin birti mynd af honum í gærkvöldi í flugvélinni á leið heim.

Frétt Mbl.is: Buzz Aldrin á batavegi

„Ég gat ekki eytt eins miklum tíma með vísindamönnunum eins og ég hefði viljað til að ræða um rannsóknir sem þeir eru að gera í tengslum við Mars. Heimsóknin varð endasleppt og ég þurfti að fara eftir tvo tíma. Ég naut virkilega tímans á Suðurskautslandinu og að sjá hvernig lífið á Mars gæti verið,“ sagði Aldrin í yfirlýsingu en hann hefur verið ötull talsmaður mannaðra ferða til reikistjörnunnar Mars.

Bye bye New Zealand! Hope to see you again! (But next time for vacation and not evacuation) pic.twitter.com/MYRFAchFmF

— Christina Korp (@Buzzs_xtina) December 9, 2016

John Glenn, fyrsti Bandaríkjamaðurinn til þess að komast á braut um jörðu árið 1962, andaðist í gær og minntist Aldrin, sem varð annar maðurinn til að stíga fæti á tunglið sjö árum síðar, vinar síns í yfirlýsingu sem hann birti á vefsíðu sinni.

Frétt Mbl.is: Tunglfari veiktist á suðurpólnum

„Sem ég sit á sjúkrahúsi og heyrði um andlát vinar míns Johns Glenn þá finnst mér ég lánsamur um að vera að jafna mig á mínum eigin veikindum en hryggur að við höfum misst annan frumkvöðul geimsins og átrúnaðargoð heimsbyggðarinnar,“ segir Aldrin.

Saddened to hear of losing my friend and world space icon John Glenn. Here's my official statement. https://t.co/j5ScHMp132 pic.twitter.com/NBmi2z1G3b

— Buzz Aldrin (@TheRealBuzz) December 9, 2016

• Blogga um frétt