Dalvíkingurinn Sveinn Margeir Hauksson mun ekki klára tímabilið með KA í Bestu deildinni í knattspyrnu en hann fer í UCLA-háskólann í ágúst.
Sveinn Margeir mun þar stunda nám samhliða því að leika með fótboltaliði skólans í Los Angeles.
Sveinn er 22 ára miðjumaður sem gekk til liðs við KA um mitt sumar árið 2019. Þá hefur hann leikið 83 leiki í efstu deild með KA og skorað 10 mörk.