Fjórtánda deildarmark Alberts á Ítalíu

Albert Guðmundsson var á skotskónum fyrir Genoa þegar liðið hafði betur gegn Cagliari í ítölsku A-deildinni í knattspyrnu í Genoa í kvöld, 3:0.

Albert skoraði þriðja mark Genoa í leiknum á 63. mínútu en markið var hans fjórtánda í ítölsku A-deildinni á tímabilinu í 32 leikjum. Hann lék í 78 mínútur í kvöld.

Þá hefur hann einnig lagt upp þrjú mörk í deildinni í ár en alls hefur hann skoraði 16 mörk í 33 leikjum á tímabilinu í öllum keppnum. 

Genoa er með 42 stig í tólfta sæti deildarinnar en liðið gulltryggði sæti sitt í efstu deild með sigrinum í kvöld.

• Blogga um frétt