Spá mbl.is: Sjötta sætið
Setja bókamerki
Víkingur úr Reykjavík hafnar í sjötta sæti Bestu deildar kvenna í knattspyrnu á komandi keppnistímabili, samkvæmt spá Morgunblaðsins og mbl.is.
Víkingur fékk 103 stig þegar atkvæði spámannanna voru lögð saman en þar voru gefin stig frá einu (fyrir 10. sætið) upp í tíu (fyrir fyrsta sætið). Víkingur og FH voru því hnífjöfn að stigum í 6. og 7. sætinu en þar sem Víkingur fékk fleiri stig í þriðja sæti deildarinnar, sem var það efsta sem báðum liðum var spáð, eru nýliðarnir fyrir ofan FH og hreppa sjötta sætið.
Gangi þetta eftir verður gríðarlega hörð keppni á milli þessara tveggja liða um sjötta sætið sem gefur keppnisrétt í efri hluta deildarinnar á lokasprettinum næsta haust.
Óhætt er að segja að Víkingsliðið hafi slegið í gegn á síðasta ári þegar liðið varð bikarmeistari og vann 1. deildina, en það hefur ekkert annað kvennalið áður afrekað hér á landi. Víkingur leikur því í fyrsta skipti með sjálfstætt lið í efstu deild frá árinu 1984 en félagið var þar í nokkur ár í samstarfi við HK, fyrst árið 2008 og síðast árið 2019. Víkingur og HK hafa teflt fram sjálfstæðum liðum frá árinu 2020.
Víkingar hafa stækkað nokkuð sinn hóp og náðu í öflugan leikmann þegar framherjinn Shaina Ashouri kom til þeirra frá FH. Þá er bandaríski varnarmaðurinn Ruby Diodati komin í raðir Víkinga sem eru með efnilega leikmenn úr yngri landsliðum Íslands í nokkrum lykilstöðum. Mikla athygli vakti á dögunum þegar fyrirliðinn Nadía Atladóttir rifti samningi sínum við Víking og gekk til liðs við Val.
John Henry Andrews tók við þjálfun Víkingsliðsins þegar það hóf sjálfstæða keppni árið 2020.
Komnar:
Ruby Diodati frá Gintra (Litháen)
5.4. Shaina Ashouri frá FH
1.3. Kristín Erla Ó. Johnson frá KR
1.2. Birta Guðlaugsdóttir frá Val
1.2. Gígja Valgerður Harðardóttir frá KR
1.2. Jóhanna Lind Stefánsdóttir frá FHL (úr láni)
1.2. Mist Elíasdóttir frá Fram
Farnar:
12.4. Nadía Atladóttir í Val
2.2. Kolbrún Tinna Eyjólfsdóttir í þýskt félag
Fyrstu leikir Víkings:
22.4. Stjarnan - Víkingur R.
27.4. Víkingur R. - Fylkir
2.5. Valur - Víkingur R.
9.5. Víkingur R. - Þór/KA
15.5. Þróttur R. - Víkingur R.
Lokastaðan:
1 ??
2 ??
3 ??
4 ??
5 ??
6 Víkingur R. 103
7 FH 103
8 Fylkir 47
9 Tindastóll 46
10 Keflavík 42
Hægist á eftir mikinn uppgang
Fylgið á hreyfingu tvist og bast
„Jæja, Jón forseti bara mættur“
Offramboð á leiðindum í nokkur ár
„Finn fyrir miklum meðbyr“
3.800 gígawattsstundir af viðbótarorku árlega
Rímar „engan veginn“ við Veðurstofuna