McLaren heldur áfrýjun til streitu
Setja bókamerki
McLarenliðið hefur eftir yfirlegu málsins í dag, ákveðið að halda áfrýjun sinni gegn refsingu Lewis Hamilton í belgíska kappakstrinum til streitu. Staðfesti liðið það í dag.
Dómarar kappakstursins ákváðu að bæta 25 sekúndum við aksturstíma Hamiltons eftir að þeir komust að þeirri niðurstöðu, að hann hefði haft ósanngjarnan ávinning af því að skera beygju í rimmu við Kimi Räikkönen hjá Ferrari.
Strax eftir kappaksturinn tilkynnti McLaren fulltrúum Alþjóða akstursíþróttasambandsins (FIA), að liðið áformaði áfrýjun. Í dag og gær hafa forsvarsmenn þess velt málinu fyrir sér og skoðað frá öllum köntum Eftir að hafa vegið það og metið var niðurstaða þeirra að halda áfram með málið.
Kemur það því í hlut áfrýjunardómstóls FIA að kveða endanlega á um úrslit belgíska kappakstursins. Með refsingunni féll Hamilton niður í þriðja sæti og Felipe Massa hjá Ferrari telst hafa orðið í fyrsta sæti í staðinn.
„Bíð bara eftir að það fari að gjósa aftur“
Braut gegn konum í Eyjum
„Ég hélt ég myndi deyja, með dóttur mína í bílnum“
Mennirnir í haldi lögreglunnar á Suðurnesjum
14 til 17 milljarða kr. tap vegna skerðinga
Húsnæðisstuðningur framlengdur til áramóta