Gylfi skipaður varaformaður KSÍ

Gylfi Þór Orrason, fyrrum knattspyrnudómari, sem kjörinn var í stjórn Knattspyrnusambands Íslands á ársþingi þess fyrr í mánuðinum var kosinn  varaformaður á fyrsta fundi stjórnarinnar í gær.

Gylfi tekur við varaformannsembættinu af Lúðvíki Georgssyni sem tók við því vegna veikinda Halldórs B. Jónssonar. Þá mun Gylfi einnig taka við formennsku í dómaranefndinni

Aðalstjórn KSÍ er þannig skipuð: Geir Þorsteinsson, formaður, Gylfi Þór Orrason, varaformaður, Guðrún Inga Sívertsen, gjaldkeri og Jón Gunnlaugsson ritaði. Aðrir í stjórninni eru: Ingibjörg Hinriksdóttir, Lúðvík Georgsson, Rúnar Arnarson, Vignir Már Þormóðsson og Róbert Agnarsson sem er nýr í stjórninni.

• 2 blogg um fréttina

Bloggað um fréttina

• Gísli Foster Hjartarson: Lýsi ánægju minni með þetta
• Ásvaldur Friðriksson: Frábært